13.08.2026-cı il tarixində saat 07:40 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Xətai rayonu, və saat 12:00 radələrində Füzuli rayonu ərazisindən doğuş sancısı səbəbilə çağırışlar daxil olub.

Mərkəzdən Aztibb.az-a bildirilib ki, çağırış ünvanlarına dərhal təcili tibbi yardım briqadaları cəlb olunub.

Bakı şəhəri üzrə təcili tibbi yardım heyəti tərəfindən 38 həftəlik hamilə qadının doğuş prosesi çağırış ünvanında həyata keçirilib. Füzuli rayonu üzrə isə 39 həftəlik hamilə qadının doğuş prosesi ambulansda icra edilib.

Bakı şəhəri üzrə təcili tibbi yardım briqadası tərəfindən ana və yenidoğulmuşa (qadın cinsli) zəruri ilkin tibbi yardım göstərildikdən sonra 7 saylı Doğum Evinə təxliyə edilib. Füzuli rayonu üzrə isə ana və yenidoğulmuş (kişi cinsli) Füzuli RMX-ın Doğum şöbəsinə yerləşdirilib.

Çəkisi 2.5 kq, boyu 48 sm və digərinin çəkisi 3.5 kq, boyu 53 sm olan körpələrin və anaların vəziyyətləri qənaətbəxş olaraq qiymətləndirilir.