Matras seçərkən onun sərtliyindən əvvəl bədənə verdiyi dəstəyə, ölçülərinə və materiallarına diqqət etmək tövsiyə olunur. Mütəxəssislər bildirirlər ki, düzgün matras onurğanı bərabər şəkildə dəstəkləməli, insanın boyuna və çəkisinə uyğun olmalı, yaxşı havalandırılmalı və sağlamlıq üçün risk yarada biləcək maddələrdən hazırlanmayıb.

Aztibb.az xəbər verir ki, travmatoloq-ortoped Kirill Masliyev matras alarkən onun tərkibinin diqqətlə araşdırılmasını tövsiyə edir. Onun sözlərinə görə, uçucu üzvi birləşmələr, bəzi alovgecikdiricilər, formaldehid və ftalatlar kimi maddələrin istifadəsinə diqqət yetirmək lazımdır.

Müasir matraslar əsasən yaylı, yaysız, vakuum və ortopedik modellərə bölünür. Yaysız modellərdə poliuretan köpüyü, lateks və müxtəlif liflərdən istifadə olunur. Təbii lateks kifayət qədər davamlı olması və kiflə toz gənələrinə qarşı dayanıqlılığı ilə seçilir.

Mütəxəssislər matras seçərkən onu mağazada ən azı 10-15 dəqiqə sınaqdan keçirməyi məsləhət görürlər. İnternetdən yalnız rəylərə əsaslanaraq matras almaq düzgün seçim olmaya bilər, çünki eyni model müxtəlif insanlar üçün fərqli rahatlıq təmin edə bilər.

Bel və onurğa ilə bağlı problemi olan şəxslərə isə matras seçməzdən əvvəl həkimlə məsləhətləşmək tövsiyə olunur. Əsas meyar matrasın nə çox yumşaq, nə də həddindən artıq sərt olması deyil, bədənə uyğun dəstəyi təmin etməsidir.