Hesabat dövründə institutun direktoru, professor Adil Allahverdiyev 5 beynəlxalq məqalə və 1 kitab fəsli olmaqla ümumilikdə 6 beynəlxalq elmi işin müəllifi və həmmüəllifi kimi ən məhsuldar alimlər sırasında yer alıb.

 

Beynəlxalq elmi nəşrlərdə institutun digər əməkdaşları da uğurla təmsil olunublar. Onların sırasında professor Akif Qurbanov, tibb elmləri doktoru Akif Salehov, dosent Lalə Rüstəmova, PhD Ruqiyyə Səmədzadə, PhD. Nərgiz İmamova, Dr. Afət Əkbərova, B.ü.f.d. Şəhla Əliyeva, dosent Şəhla Canəhmədova, T.ü.f.d. Fatma Hüseynova, Msc.Nigar Qasımzadə, PhD. Rəşad Rəsulov, PhD. Elza Karabağ, Msc. Əsmər Tağıyeva, Msc.Fidan Qaxıyeva, Sevinc Eyvazlı, Elgün İsmayılova və Şəlalə Babayeva yer alırlar.

 

İnstitut əməkdaşlarının tədqiqatları onkologiya və molekulyar genetika, nanotexnologiya və biotibb, immunologiya və vaksinologiya, parazitologiya və infeksion xəstəliklər kimi müasir tibbin prioritet istiqamətlərini əhatə edir. Bu nəticələr institutda formalaşmış güclü elmi məktəbin, məqsədyönlü tədqiqat fəaliyyətinin və beynəlxalq elmi əməkdaşlığın uğurlu nəticəsidir.

 

Beynəlxalq elmi nəşrlərdə əldə olunan bu uğurlar Azərbaycan tibb elminin qlobal elmi məkanda tanıdılmasına, institutun beynəlxalq elmi nüfuzunun daha da möhkəmlənməsinə və ölkəmizin elmi potensialının dünyaya təqdim olunmasına mühüm töhfə verir.