Smartfon və digər rəqəmsal cihazlardan uzun müddət istifadə təkcə psixi deyil, fiziki sağlamlığa da mənfi təsir göstərə bilər.
Aztibb.az xəbər verir ki, uzun müddət ekrana baxmaq boyun və onurğada gərginlik yarada, görmə qabiliyyətinə, əl-göz koordinasiyasına və əzələ gücünə mənfi təsir göstərə bilər.

Araşdırmalar göstərir ki, açıq havada daha çox vaxt keçirmək, xüsusilə uşaqlarda yaxındangörmənin (miyopiyanın) inkişaf riskini azalda bilər. Həkimlər telefon və kompüter ekranının göz səviyyəsində saxlanılmasını, hər 20–30 dəqiqədən bir fasilə verilməsini və düzgün oturuş vərdişlərinin formalaşdırılmasını tövsiyə edirlər.

Bundan əlavə, fiziki aktivliyin artırılması, əl bacarıqlarını inkişaf etdirən fəaliyyətlərlə məşğul olmaq və ağıllı saat kimi cihazlardan istifadə zamanı dəri gigiyenasına diqqət yetirmək tövsiyə olunur. Mütəxəssislər bildirirlər ki, texnologiyadan düzgün və ölçülü istifadə bu risklərin əhəmiyyətli dərəcədə azalmasına kömək edə bilər.