Vistar İnstitutunun amerikalı alimləri fruktozanın aqressiv yumurtalıq xərçənginin yayılmasında və metastaz verməsində həlledici rol oynadığını müəyyən ediblər.

Aztibb.az-ın xəbərinə görə, tədqiqat göstərir ki, kimyaterapiyadan sonra sağ qalan xərçəng hüceyrələri ətrafdakı digər patoloji hüceyrələri sürətlə bölünməyə və yayılmaya sövq edən xüsusi molekullar ifraz edir. Bu prosesdə əsas katalizator rolunu fruktoza oynayır.

Yumurtalıq xərçəngində ölümlərin təxminən 90%-nə məhz metastazlar sebəb olur. Onkoloqlar bəşər övladının qida rasionu ilə qəbul etdiyi fruktozanın (məsələn, şirin içkilərdən) hüceyrələrarası əlaqəni zəiflətdiyini üzə çıxarıblar. Mexanizm xolesterinlə bağlıdır: fruktoza qonşu hüceyrələrdə hüceyrələri bir-birinə bağlayan "yeliş" rolunu oynayan xolesterinin səviyyəsini düşürür. Nəticədə xərçəng hüceyrələri asanlıqla bir-birindən qoparaq qarın boşluğuna yayılır.

Tədqiqatçılar bu mexanizmin mədəaltı vəzi, yoğuns bağırsaq və qaraciyər kimi digər daxili organ xərçəngləri üçün də keçərli olduğunu ehtimal edirlər. Alimlər eyni zamanda statin preparatlarının da bənzər təsir göstərə biləcəyini araşdırırlar, lakin xəstələrə həkim məsləhəti olmadan dərman qəbulunu dayandırmamaq xəbərdarlığı olunur.