Dünyaya vaxtından əvvəl gələn və ya müəyyən səbəblərdən küvezdə müalicə alan körpələrin sağalma prosesində ana ilə qurulan birbaşa təmas əvəzsiz rol oynayır.

Aztibb.az-ın məlumatına görə, tibb elmində "Kenquru baxımı" adlanan, körpənin ananın sinəsinə dərinin-dəriyə toxunması üsulu, balaca qəhrəmanların kliniki göstəricilərinə birbaşa müsbət təsir göstərir.

Mütəxəssislərin nəzarəti altında həyata keçirilən ana-körpə kontaktının əsas faydaları:

• Körpənin ürək döyüntülərini və tənəffüsünü sabitləşdirir.
• Bədən temperaturunun ideal səviyyədə qalmasını təmin edir.
• Stress hormonlarını azaldaraq, yuxu keyfiyyətini və çəki artımını sürətləndirir.
• Anada süd istehsalını stimullaşdırır və ana-uşaq bağlılığını gücləndirir.

Körpələrin tibbi müalicəsi ilə yanaşı, onların mənəvi və fiziki ehtiyacları da hər zaman diqqətdə saxlanılır. Gəncə Şəhər Birləşmiş Xəstəxanasının nəzdində fəaliyyət göstərən Perinatal Mərkəzin Yenidoğulmuşların intensiv terapiya bölməsində də həkimlərin nəzarəti altında ana-uşaq kontaktı qaydalarına tam əməl olunur, körpələrin vəziyyəti uyğun olduğu hər an anaların bu şəfalı təması qurmasına tam şərait yaradılır.