Qazi övladı yüksək hərarət, qarında köp və qidadan imtina şikayətləri ilə Azərbaycan Respublikası Səhiyyə Nazirliyinin Elmi-Tədqiqat Pediatriya İnstitutunun Yenidoğulanların Patologiyası Şöbəsinə hospitalizasiya olunub.

Aztibb.az-a verilən məlumata görə, İnstitutda aparılan klinik, laborator və instrumental müayinələr nəticəsində körpəyə perinatal dövr üçün spesifik olan infeksiya, enterokolit və anemiya diaqnozları qoyulub. Xəstənin vəziyyətinin ağırlığı nəzərə alınaraq dərhal müvafiq müalicə tədbirlərinə start verilib.

Yenidoğulmuşun müalicəsi həkim Nuranə Hüseynova tərəfindən aparılıb, müalicə prosesi şöbə müdirinin daimi nəzarəti altında həyata keçirilib.

Yenidoğulanların Patologiyası Şöbəsində stasionar müalicə alan körpənin sağlamlıq vəziyyətində qısa müddətdə müsbət dinamika müşahidə olunub. Aparılan kompleks müalicə nəticəsində klinik əlamətlər tamamilə aradan qalxıb və ümumi vəziyyəti yaxşılaşıb.

Körpənin ailə üzvləri göstərilən yüksək ixtisaslı tibbi xidmətə, həssas və qayğıkeş münasibətə görə ETPİ-nin rəhbərliyinə, müalicə həkimlərinə və bütün tibb heyətinə dərin minnətdarlıqlarını bildiriblər.