Bu barədə Aztibb.az-a Mərkəzdən məlumat verilib.

 

Bildirilib ki, görüşün məqsədi şəhid ailələrinin qayğıları ilə yaxından maraqlanmaq, onların müraciət və təkliflərini dinləmək, həmçinin göstərilən tibbi və sosial dəstək istiqamətində fikir mübadiləsi aparmaq olub.

 

Görüş zamanı şəhid ailələrinin sosial rifahı, sağlamlıq vəziyyəti və tibbi xidmətlərə çıxışı ilə bağlı məsələlər müzakirə edilib. Direktor Şöhrət Söyziyev çıxışında bildirib ki, şəhid ailələrinə göstərilən diqqət və qayğı dövlətimizin sosial siyasətinin əsas istiqamətlərindən biridir. O vurğulayıb ki, Pirallahı Tibb Mərkəzi tərəfindən şəhid ailələrinin sağlamlığının qorunması, müayinəsi, müalicəsi və digər tibbi ehtiyaclarının operativ şəkildə qarşılanması daim diqqət mərkəzində saxlanılır.

 

Sonda şəhid ailələri ilə səmimi söhbət və fikir mübadiləsi aparılıb.