Ağsu Rayon Mərkəzi Xəstəxanasının həkimi Nazim Qasımov uzun sürən xəstəlikdən sonra vəfat edib.
Aztibb.az xəbər verir ki, bu barədə Ağsu RMX məlumat yayıb.
Məlumatda bildirilir: "Dərin hüznlə bildiririk ki, Ağsu Rayon Mərkəzi Xəstəxanasının həkimi Qasımov Nazim Ayaz oğlu 28.07.2026-cı il tarixində uzun sürən xəstəlikdən sonra vəfat edib.
Qasımov Nazim Ayaz oğlu uzun illər Ağsu Rayonu Mərkəzi Xəstəxanasında həkim-pediatr vəzifəsində çalışaraq peşəkarlığı, yüksək insani keyfiyyətləri və fədakar fəaliyyəti ilə həmkarlarının, eləcə də yüzlərlə ailənin dərin hörmət və rəğbətini qazanmışdır. O, qayğıkeş həkim kimi yüzlərlə uşağın sağlamlığına qovuşmasına öz töhfəsini verib.
Əziz həmkarımızın vəfatından dərin kədər hissi keçirir, ailəsinə, doğmalarına və yaxınlarına səbir diləyirik.
Allah rəhmət eləsin. Ruhu şad, məkanı cənnət olsun".
