Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Sumqayıt Sosial Xidmət Kabinetinin benefisiarları üçün açıq havada master-klas təşkil edilib.

Bu barədə Aztbb.az-a Sosial Xidmətlər Agentliyindən məlumat verilib.

Bildirilib ki, tədbirdə kabinetin sosial reabilitasiya xidmətlərindən yararlanan əlilliyi olan uşaqlar və onların valideynləri iştirak edib. Burada məqsəd sosial inklüzivliyin gücləndirilməsi, həssas əhali qruplarından olan şəxslərin sosial reabilitasiyası və asudə vaxtının səmərəli təşkilidir.

Qeyd edilib ki, uşaqların sosial bacarıqlarının inkişafı və ətraf mühitlə yaxından tanışlığı üçün rəngləmə, müxtəlif interaktiv oyunlar, musiqili çıxışlar, komanda oyunları, həmçinin peşəkar animatorların təqdimatında rəngarəng şou-proqram təşkil edilib.

Həmçinin iştirakçıların ünsiyyət bacarıqlarının, kollektiv fəaliyyət vərdişlərinin və özünəinamının inkişafını hədəfləyən tədbir rəngarəng görüntülərlə yadda qalıb.