Düz bağırsağın sallanması zamanı bağırsağın son hissəsi öz normal yerindən aşağı doğru hərəkət edərək anusdan xaricə çıxa bilər. Bu vəziyyət həm gündəlik rahatlığı pozur, həm də vaxtında müalicə olunmadıqda ciddi narahatlıqlara səbəb ola bilər.

 

Bu barədə Aztibb.az-a HTC Cliniva Hospitalın ümumi cərrahı, proktoloq və endoskopisti Anar Əliyev məlumat verib.

 

Həkim bildirib ki, ən çox rast gəlinən əlamətlər aşağıdakılardır:

Anus nahiyəsində xaricə çıxan toxuma hissi

Nəcis saxlamaqda çətinlik

Bağırsaq boşaldıqdan sonra tam rahatlamama hissi

Qanaxma və ya selikli ifrazat

Anus nahiyəsində ağrı və narahatlıq.

 

Onun sözlərinə görə, risk faktorları arasında uzunmüddətli qəbizlik, güclü gücənmə, çanaq dibi əzələlərinin zəifləməsi və yaşla bağlı dəyişikliklər yer alır.

 

"Bu əlamətlər sizdə də müşahidə olunursa, problemi gizlətmək və ya gecikdirmək düzgün deyil. Erkən diaqnostika və uyğun müalicə üsulları ilə vəziyyəti nəzarət altına almaq mümkündür", - deyə Anar Əliyev əlavə edib.