Sabunçu Tibb Mərkəzində “Etik davranış qaydaları və xidmət mədəniyyəti” mövzusunda maarifləndirici tədbir keçirilib.

Bu məlumat Aztibb.az-a Mərkəzdən verilib.

Bildirilib ki, tədbir xəstə xidmətləri şöbəsinin əməkdaşları üçün təşkil olunub və əsas məqsəd bu sahədə çalışan personalın pasiyentlərlə ünsiyyət bacarıqlarının daha da təkmilləşdirilməsi, etik prinsiplərin gündəlik fəaliyyətdə düzgün tətbiqi və xidmət keyfiyyətinin artırılması olub.

Görüş zamanı iştirakçılara - pasiyentlərlə empatik və düzgün ünsiyyət, etik davranış qaydalarının praktik tətbiqi, müraciətlərin düzgün idarə olunması və xidmət mədəniyyətinin yüksəldilməsi yolları ilə bağlı ətraflı məlumat verilib.

Tədbir çərçivəsində real situasiyalar əsasında müzakirələr aparılıb, əməkdaşların sualları cavablandırılıb və praktik tövsiyələr təqdim olunub.

Sonda qeyd olunub ki, bu kimi təlimlərin davamlı təşkili vətəndaş məmnuniyyətinin artırılmasına və göstərilən tibbi xidmətlərin keyfiyyətinin yüksəldilməsinə mühüm töhfə verir.