Bu gün virus hepatitlərilə mübarizə üçün effektiv peyvəndlər, müasir diaqnostika və müalicə üsulları mövcuddur. Buna baxmayaraq, məlumatılığın azlığı və stiqma səbəbindən bir çox insan vaxtında diaqnostika və müalicədən yararlana bilmir.

Aztibb.az-ın məlumatına görə, nəticədə hepatit qaraciyərin xroniki xəstəliklərinə, qaraciyər sirrozu və xərçənginə səbəb olur.

Sağlam qalmaq üçün bunları edin:

Hepatit B və C üzrə müayinədən keçin;
Hamiləliyin erkən dövründə hepatit B ilə bağlı müayinə olunun;
Uşaqlarınızı Milli Peyvənd Təqviminə uyğun peyvənd etdirin: doğulduqdan sonra ilk 12 saat ərzində hepatit B peyvəndi, 2, 3 və 4 aylığında isə heksavalent peyvənd almasını təmin edin;
Erkən diaqnostika və müalicə ilə bağlı həkiminizlə məsləhətləşin;
Hepatit haqqında məlumatları yalnız etibarlı mənbələrdən əldə edin.