Oğuz Rayon Mərkəzi Xəstəxanasının Ailə Sağlamlıq Mərkəzinin həkim heyəti tərəfindən Yaqublu və Yenikənd körpələr evi–uşaq bağçalarında, Malıq kənd tam orta məktəbində, Bucaq, Kərimli və Ərmənət kəndlərində, eləcə də 2 nömrəli Körpələr evi–uşaq bağçasında uşaqların icbari dispanserizasiyası həyata keçirilib.

 

Oğuz RMX-dan Aztibb.az-a bildirilib ki, tibbi müayinələr zamanı uşaqların sağlamlıq vəziyyəti qiymətləndirilib, ehtiyac olan uşaqlarla bağlı əlavə müayinələr və müvafiq müalicə tədbirləri ilə üçün tövsiyələr verilib.

 

Eyni zamanda, valideynlərə sağlam həyat tərzi, uşaqların fiziki və psixoloji inkişafı, eləcə də xəstəliklərin erkən aşkarlanmasının əhəmiyyəti barədə maarifləndirici məlumatlar təqdim olunub.

 

Qeyd edək ki, cari ilin iyun və iyul ayları ərzində ümumilikdə 225 nəfər uşaq icbari dispanserizasiya prosesinə cəlb olunaraq tibbi müayinələrdən keçirilib.