Böyük Britaniyada valideynləri tərəfindən daimi yorğunluq şikayəti ilə həkimə aparılan on dörd yaşlı oğlanın bədənində yalnız qida vasitəsilə qəbul edilən B12 vitamininin kəskin çatışmadığını aşkarlanıb.

Aztibb.az-ın www.cbsnews.com-a istinadla xəbərinə görə, həkimlər dərhal vitamin iynələri təyin etsələr də, sonradan məlum oldu ki, yeniyetmə bu müalicəyə eynəksiz yanaşıb və iynələri vurdurmayıb.

Cəmi bir il sonra, artıq on beş yaşı tamam olanda oğlanın gözləri kəskin şəkildə zəifləməyə başlayıb. Neyro-oftalmoloqun müayinəsi zamanı bəlli olub ki, sağlam insanın altmış metrdən aydın gördüyü əşyaları bu yeniyetmə yalnız altı metrdən çətinliklə ayırt edə bilir. Məlum olub ki, yeniyetmə illərdir normal yeməklərdən imtina edərək yalnız kartof-fri, ağ çörək, çips və sosiska ilə qidalanırmış.

Bu cür  birtərəfli rasion bədəndə B qrupu vitaminlərinin kökünü kəsərək çox nadir görüldüyü bir xəstəliyə — qida mənşəli optik neyropatiyaya səbəb olub. Bu xəstəlik zamanı gözlərdən beyinə məlumat ötürən görmə sinirləri tədricən sıradan çıxır və atrofiyaya uğrayır. Yeniyetməyə dərhal xüsusi qida əlavələri təyin edilib və o, qidalanma pozuntusunu müalicə etmək üçün psixiatra yönləndirilib. Lakin görmə sinirlərinin zədələnməsi geri dönməz həddə çatdığından, mütəxəssislər uşağın görmə qabiliyyətini bərpa edə bilməyiblər.