1923-cü ildə tibb tarixində dönüş nöqtəsi sayılan mühüm hadisə baş verdi. Kanadalı alimlər Frederik Bantinq, Çarlz Best və Ceyms Kollip milyonlarla diabet xəstəsinin həyatını xilas edən insulini kəşf etdilər. Lakin onların atdığı növbəti addım bu elmi nailiyyətdən də təsirli oldu.
Aztibb.az "Inscience.news" portalının dərc etdiyi maraqlı məqalədən mühüm məqamları diqqətinizə çatdırır.Aztibb.az "Inscience.news" portalında dərc oluna məqlədən hissəni təqdim edir.
Alimlər insulinin patentini cəmi 1 ABŞ dolları müqabilində Toronto Universitetinə təhvil verdilər. Bu qərar onların şəxsi qazanc deyil, insanların sağlamlığını üstün tutduqlarını nümayiş etdirirdi. Məqsəd insulinin ona ehtiyacı olan hər kəs üçün əlçatan olmasını təmin etmək idi.
Frederik Bantinq bu mövqeyini belə ifadə etmişdi: "İnsulin mənə məxsus deyil, o, bütün dünyaya məxsusdur." Bu sözlər elmin insanlığa xidmət etməli olduğunu, şəxsi varlanma vasitəsinə çevrilməməsinin vacibliyini bu gün də xatırladır.
Məhz bu uzaqgörənlik və humanist yanaşma sayəsində alimlər təkcə tibbin inkişaf istiqamətini deyil, milyonlarla insanın taleyini dəyişdilər. Onların nümunəsi bu gün də yeni nəsil alim və tədqiqatçılar üçün elmə vicdanla, məsuliyyətlə və bəşəri dəyərlərə sadiq şəkildə xidmət etməyin ən parlaq örnəklərindən biri hesab olunur.
