Aztibb.az xəbər verir ki, müayinələr zamanı pasiyentdə təxminən 10 ilə yaxındır mövcud olan, uşaqlıq yolunun aşağı üçdə bir hissəsində, anal sfinkterin önündə yerləşən rektovaginal fistul aşkarlanıb. Eyni zamanda, pasiyentdə rektosel və xroniki hemoroidal xəstəlik də müəyyən edilib.

 

Aparılan əməliyyat zamanı ilk mərhələdə rektovaginal fistul tam şəkildə ləğv olunub. Daha sonra çanaq dibi anatomiyasının və vaginal arxa divarın bərpası məqsədilə posterior kolporrafiya (arxa kolporrafiya) icra edilib. Paralel olaraq mövcud xarici hemoroidal düyünlər hemoroidektomiya üsulu ilə çıxarılıb.

 

Həkimin sözlərinə görə, rektovaginal fistul düz bağırsaqla uşaqlıq yolu arasında patoloji əlaqənin yaranması ilə xarakterizə olunan, qadınların həyat keyfiyyətinə ciddi təsir göstərən mürəkkəb patologiyalardan biridir. Belə hallarda cərrahi müalicə yalnız fistulun aradan qaldırılması ilə məhdudlaşmır, yanaşı mövcud olan çanaq dibi patologiyalarının da eyni əməliyyat zamanı korreksiya olunması uzunmüddətli funksional nəticələrin əldə edilməsində mühüm əhəmiyyət daşıyır.

 

İcra olunan kompleks cərrahi müdaxilə nəticəsində pasiyentdə həm rektovaginal fistul aradan qaldırılıb, həm də yanaşı patologiyalar korreksiya edilərək gələcəkdə həyat keyfiyyətinin yaxşılaşdırılması üçün əlverişli nəticə əldə olunub.