Diaqnoz Tibb Mərkəzində daha bir uğurlu və mürəkkəb cərrahi əməliyyat həyata keçirilib.

Mərkəzdən Aztibb.az-a verilən xəbərə görə, böyük ölçülü exinokokk kisti tam laparoskopik üsulla uğurla əməliyyat edilib.

Qaraciyərdə yerləşən böyük ölçülü exinokokk kisti tam laparoskopik (qapalı) üsulla uğurla xaric edilib.

Qeyd edək ki, qaraciyər exinokokku parazitar mənşəli xəstəlikdir və əsasən it və pişiklər vasitəsilə insanlara yoluxa bilər. Xəstəlik uzun müddət heç bir əlamət verməyə bilər və çox vaxt təsadüfi müayinələr zamanı aşkar olunur.

Parazit zamanla qaraciyərdə inkişaf edərək orqanın böyüməsinə səbəb ola bilər. Bu zaman sağ qabırğaaltı nahiyədə ağrı yaranması mümkündür. Bəzi hallarda isə kista öd yollarına təzyiq göstərərək sarılığa səbəb ola bilər.

Xəstəlikdən qorunmaq üçün şəxsi gigiyena qaydalarına riayət etmək, meyvə və tərəvəzləri təmiz su ilə yaxşı yumaq tövsiyə olunur.