Yüksək hərarət və tənəffüs yolu infeksiyası əlamətləri ilə Təcili Tibbi Yardım vasitəsilə 1 nömrəli Körpələr Evindən Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutuna çatdırılan 3 aylıq körpə institutun Somatika şöbəsinə hospitalizasiya olunub.
Elmi-Tədqiqat Pediatriya İnstitutundan Aztibb.az-a verilən məlumata görə, körpə Somatika şöbəsinin müdiri Leyla Gülməmmədovanın nəzarəti altında, həkim-pediatr Gülafət Muxtarovanın müşahidəsi və müalicəsi ilə stasionar şəraitdə müalicə alıb. Xəstəyə qəbul olunduğu andan etibarən zəruri laborator və instrumental müayinələr aparılıb, mövcud klinik vəziyyətinə uyğun kompleks müalicə tədbirləri həyata keçirilib.
Stasionar müalicə nəticəsində körpənin ümumi vəziyyəti qənaətbəxş olub və sağlamlığı bərpa olunduqdan sonra körpə institutun əməkdaşları tərəfindən 1 nömrəli Körpələr Evinə təhvil verilib.
