Bu barədə Aztibb.az-a məlumat verən Qəbələ Rayon Mərkəzi Xəstəxanasının həkim-terapevti Şahanə Pənahova bildiriib ki, bu xəstəlik yüksək hərarət, öskürək, nəfəs darlığı və ümumi halsızlıq kimi əlamətlərlə özünü göstərir. Pnevmoniya, əsasən, virus və bakterial infeksiyalar nəticəsində yaranır. Xəstəliyin inkişaf riskini yaşlı yaş, immun sisteminin zəifləməsi, xroniki xəstəliklər və siqaret istifadəsi artırır. Xəstəliyin əsas əlamətlərinə yüksək hərarət, öskürək, bəlğəm ifrazı, sinə ağrısı, nəfəs darlığı, halsızlıq və üşütmə daxildir.

 

Onun sözlərinə görə, müalicə üsullarına həkim təyinatına uyğun dərman müalicəsi, kifayət qədər maye qəbulu, istirahət və zəruri hallarda stasionar müalicə daxildir:

"Vətəndaşlara tövsiyəmiz odur ki, yüksək hərarət, uzunmüddətli öskürək və nəfəs darlığı olduqda vaxt itirmədən həkimə müraciət etsinlər. Erkən diaqnoz və düzgün müalicə pnevmoniyanın ağırlaşmalarının qarşısının alınmasında mühüm əhəmiyyət daşıyır".