Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunda mənəvi dəyəri yüksək olan növbəti sevindirici hadisə yaşanıb.

İnstitutdan Aztibb.az-a bildirilib ki, Şuşanın azadlığı uğrunda gedən döyüşlərdə qəhrəmancasına şəhidlik zirvəsinə ucalan Fərid Lİllahov Loğman oğlunun bacısı Lİllahova Mələk Loğman qızı hamiləliyi boyunca İnstitutun II Doğum şöbəsinin müdiri, həkim mama-ginekoloq Tənzilə Əliyevanın nəzarətində olub.

Hamiləliyin gedişində bir neçə dəfə Hamiləliyin patologiyası şöbəsində müalicə alan pasiyentə mütəmadi tibbi nəzarət göstərilib

.
Hamiləliyin 38-ci həftəsində hestasion hipertenziya, ciftin vaxtından əvvəl hissəvi ayrılması (FMA) və anemiya diaqnozları ilə təcili doğuş həyata keçirilib. T.Əliyevanın peşəkar müdaxiləsi nəticəsində sağlam qız övladı dünyaya gəlib.

Müalicə və müşahidə dövrü uğurla başa çatdıqdan sonra ailənin razılığı əsasında ana və körpə sağlam vəziyyətdə evə yola salınıblar.