Süddən hazırlanan bir desert olan dondurmanın proteini olduqca yüksəkdir.

 

Aztibb.az-ın xəbərinə görə, A vitamini, B vitaminləri, kalsium, fosfor, maqnezium və kalium kimi maddələrlə də zəngindir. Bu səbəbdən dondurma əzələlərin nizamlı işləməsini dəstəkləyir, beləliklə, toxuma itkisinin qarşısını alır. Onu soyuq qış aylarında da asanlıqla yeyə bilərsiniz. Qidalanma və diet mütəxəssisləri çox soyuq qidaların həzmi çətinləşdirən, xüsusən də qaza səbəb olan xüsusiyyətə sahib olduğunu vuğulayırlar.

 

Sağlam qidalanaraq xəstəliklərdən qorunmağımızda çox əhəmiyyətli rol oynayan immun sistemimizi daim dəstəkləməliyik. A vitamini və zülal tərkibi sayəsində dondurma immunitet sisteminin işinə kömək edir və dişləri gücləndirir. Belə ki, dondurmanın tərkibində olan fosfat dişlərin, diş əti və sümüklərin sağlamlığını qoruyur.

 

Ancaq karies meydana gəlməsinin qarşısını almaq üçün yedikdən sonra dişlərin mütləq şəkildə fırçalanması çox vacibdir. Süd, meyvə və şokoladlı dondurmalar kaliumla zəngindir. Kalium ürək sağlamlığı üçün çox vacib bir mineraldır. Bundan əlavə, kalium bədənin elektrolit balansında mühüm rol oynayır. Əzələləri qoruyur, içindəki maqnezium sayəsində bədəndəki turşu-əsas balansını tənzimləməyə kömək edir. Əzələ və sinir sistemi üçün kalsium əvəzolunmazdır. O, əzələlərin yığılmasına, maqnezium isə rahatlamağa kömək edir ki, bu xüsusiyyəti bağırsaqların işləməsi üçün də çox əhəmiyyətlidir. Bütün bunlara əlavə olaraq, maqnezium qan təzyiqini tənzimləmək kimi 300-dən çox metabolik reaksiyada iştirak edir və damar elastikliyini təmin edir.

 

Xüsusilə, şokoladlı dondurma yüksək maqnezium ehtiva edir və 2 qaşıq dondurma ilə gündəlik maqnezium ehtiyacınızın 10-15 faizini ödəyə bilərsiniz. Vitamin B2 olaraq da bilinən riboflavin tərkibi ilə dondurma bədənimizdə enerji istehsalını dəstəkləyir. Riboflavin selikli qişanı qorumaq və dərinin bərpasına kömək etmək kimi xüsusiyyətlərə də malikdir.

 

Bəs dondurmanın zərərləri nələrdir?

 

Dondurmanın faydaları ilə yanaşı orqanizmə zərərli təsirləri də məlumdur. Belə ki, yay ayları çox isti olduğu üçün dondurmanın yeyilməsi qəflətən ağız boşluğu, udlaq və qırtlağın soyumasına səbəb olur ki, bu da qısa zaman kəsiyində yuxarı tənəffüs yollarının itihabi xəstəliklərinin inkişaf etməsinə səbəb olur.

 

Bildiyimiz kimi, dondurmaların hazırlanmasında çiy yumurtadan istifadə olunduğuna görə bağırsaq infeksiyaları və digər qida zəhərlənmələri qaçınılmazdır.