Yeni Klinikanın Əməliyyatxana bölməsinin müdiri, Avropa Anesteziologiya və İntensiv Terapiya Cəmiyyətinin (EDAIC) diplomatı, həkim-anestezioloq-reanimatoloq Dr. Lalə Əliyeva və həkim-anestezioloq-reanimatoloq Səhab Niftəliyevanın müəllifi olduqları “Neuraxial Anesthesia at the Edge of Safety: HELLP Syndrome With Platelets 55,000/µL” adlı elmi iş anesteziologiya sahəsinin ən nüfuzlu beynəlxalq tədbirlərindən biri olan Euroanaesthesia 2026 konqresində təqdim edilib.
Yeni Klinikadan Aztibb.az-a verilən məlumata görə, Niderlandın Rotterdam şəhərində keçirilən konqresdə təqdim olunan elmi iş yüksək riskli pasiyentlərdə anesteziyanın idarə olunmasına dair mühüm klinik təcrübəni əks etdirərək beynəlxalq elmi ictimaiyyətin diqqətinə çatdırılıb.
Qeyd edək ki, Euroanaesthesia anesteziologiya və intensiv terapiya sahəsində dünyanın ən nüfuzlu beynəlxalq elmi konqreslərindən biri olmaqla, müxtəlif ölkələrdən mütəxəssisləri klinik təcrübə, innovativ yanaşmalar və aktual elmi araşdırmalar ətrafında bir araya gətirir.
