Mərkəzi Neftçilər Xəstəxanasının həkim-ginekoloqu Elnarə Məmmədova "Forever Baku 1 - Modern Gynecology" konfransında məruzəçi qismində iştirak edib.

Bu barədə Aztibb.az-a Xəstəxanadan bildirilib.

Elnarə Məmmədova çıxışı zamanı "Endometriozun müalicəsində cərrahi və medikamentoz yanaşmaların seçimi" mövzusunda təqdimatla çıxış edərək, klinik praktikada tətbiq olunan müalicə metodları və əldə edilmiş uğurlu nəticələr barədə iştirakçılara məlumat verib.

Konfrans çərçivəsində Azərbaycan və müxtəlif ölkələrdən olan mütəxəssislərlə elmi müzakirələr aparılıb, müasir ginekologiyada tətbiq olunan yeniliklər və aktual yanaşmalar ətrafında fikir mübadiləsi həyata keçirilib.

Tədbir müasir tibbi bilik və təcrübələrin paylaşılması, beynəlxalq peşəkar əməkdaşlığın inkişafı baxımından əhəmiyyətli platforma olub.