Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

Almaz Abbasova 1960-cı ildə Tovuz rayonu Aşağı Öysüzlü kəndində anadan olub. 1981-ci ildə Nəriman Nərimanov adına ADTİ-na daxil olub, 1987-ci ildə İnstitutu bitiib. 1989-cu ildə internaturanı terapevt ixtisası üzrə bitirib.

O, 1993-1995-ci illərdə Bakı şəhəri “Azər Su Tikinti” xəstəxanasında Fizioterapiya şöbəsinin müdiri əvəzedicisi vəzifəsində fəaliyyət göstərib.

1995-ci ildə Ə.Əliyev adına Azərbaycan Dövlət Həkimləri Təkmilləşdirmə İnstitutunda Kardiologiya ixtisası üzrə kursu bitirib.

A.Abbasova 1995-ci ildən, 2023-cü ilin fevral ayına qədər “Azərs Su Tikinti” xəstəxanasında həkim-kardioloq vəzifəsində çalışıb.
2023-cü ilin fevral ayında 2026-cı ilin mart ayına qədər Nİzami Tibb Mərkəzi PHŞ-in poliklinika şöbəsində həkim-kardioloq vəzifəsində çalışıb.

Hazırda Tovuz RMX PHŞ-in poliklinika şöbəsində həkim-kardioloq işləyir.