Bir şəxs arıqlamağa çalışmadıqda bədən çəkisinin nəzərəçarpacaq dərəcədə azalması səbəbsiz çəki itkisi kimi təsvir edilə bilər. Bu, əsas xəstəliyin əlaməti və ya sadəcə kifayət qədər yemədiyinin göstəricisi ola bilər. Həmçinin ürək döyüntüsünün normal sərhədlərini, əsas səbəblərini və risk faktorlarını bilmək, vaxtında düzgün diaqnoz və müalicə üçün çox önəmlidir. 

 

Aztibb.az xəbər verir ki, bir çox insan aylarla terapevt və ya kardioloq qapılarında vaxt itirir, lakin problemin əsl kökü qalxanvari vəzinin fəaliyyətində gizlənir.

 

Zob xəstəlikləri özünü iki tamamilə fərqli formada biruzə verə bilər:

Zəhərli zob (Hipertireoz) — Hormonların artması. Əgər sizdə aşağıdakı əlamətlər varsa, bu, zəhərli zobun göstəricisi ola bilər:

Səbəbsiz çəki azalması: İnsanlar çox vaxt şəkərli diabetdən şübhələnib yoxlatsalar da, nəticə təmiz çıxır. Çəki itkisinin əsl səbəbi hormonların yüksək olmasıdır.

Ürək döyüntüsünün sürətlənməsi: Pasiyentlər dəfələrlə kardioloji müayinələrdən (EKQ, Exo) keçir və ürəkdə heç bir problem tapılmır. Çünki ürək döyüntüsünü sürətləndirən qandakı hormonların artmasıdır.

İstilik gəlmə və güclü tərləmə halları.

 

Tənbəl zob (Hipotireoz) — Hormonların azalması. Qanda hormonlar azaldıqda isə zəhərli zobun tam əksi olan əlamətlər müşahidə edilir:

Səbəbsiz çəki artması: İştah dəyişməsə də, bədəndə çəki artımı baş verir.

Dəri quruluğu: Tərləmə əvəzinə dəridə həddindən artıq quruluq yaranır.

Tez-tez üşümə və soyuqlama halları: Bədən temperaturu normasından aşağı düşməyə meyilli olur.

Nəbzin azalması (Bradikardiya): Ürək döyüntüləri yavaşlayır.

 

Əgər siz də vaxtaşırı müxtəlif müalicələr almağınıza baxmayaraq tam nəticə görmürsünüzsə və bu simptomlardan əziyyət çəkirsinizsə, mütləq endokrinoloqa müraciət edərək hormonlarınızı yoxlatdırın. Sağlamlığınızı təxirə salmayın!