Hər il 6 iyul Ümumdünya Kardioloqlar Günü olaraq qeyd edilir.

Aztibb.az xəbər verir ki, bu əlamətdar tarix sağlamlığımızın qorunmasında və ürək-damar xəstəliklərinin müalicəsində misilsiz zəhməti olan həkimlərin peşə bayramıdır. Onların fədakarlığı minlərlə insanın həyatını xilas edir və sağlam gələcəyə yol açır.

Kardiologiya həkimdən daim inkişaf və təkmilləşmə tələb edən çoxşaxəli bir ixtisasdır. Ən ağır xəstəliklərlə mübarizədə, insanların həyatını xilas etməkdə, sağlamlıqlarını bərpa etməkdə kardioloqlar ön sıralardadır.

Ümumdünya Kardioloqlar Günü münasibətilə insan həyatını qorumaq üçün yorulmadan çalışan bütün kardioloqları təbrik edirik!