Konqo Demokratik Respublikasında ebola qızdırmasından azı 506 nəfər həyatını itirib.

Aztibb.az english.news.cn-a istinadən xəbər verir ki, bu barədə hakimiyyətin ölkədəki mövcud vəziyyətlə bağlı son hesabatında bildirilir.

Məlumata görə, mayın 15-də başlayan son alovlanma dövründə ümumilikdə 1528 təsdiqlənmiş yoluxma halı qeydə alınıb.

Hazırda diaqnozu təsdiqlənmiş 628 xəstə təcriddədir və ya xəstəxanaya yerləşdirilib, 239 nəfər isə sağalıb.