Səhiyyə Nazirliyi K.Y. Fərəcova adına Elmi-Tədqiqat Pediatriya İnstitutunda anadangəlmə mürəkkəb inkişaf qüsuru ilə dünyaya gələn yenidoğulmuş üzərində uğurlu cərrahi əməliyyat icra olunub.

İnstitutdan Aztibb.az-a bildirilib ki, körpəyə omfalosel, Mekkel divertikulu və divertikulit diaqnozları qoyulub. Aparılan müayinə zamanı iltihablaşmış Mekkel divertikulunun nazik bağırsaqla bitişmə yaratdığı müəyyən edilib.

Əməliyyat uşaq cərrahı Umud Musayev tərəfindən uğurla icra olunub. Cərrahi briqadada assistent Pərvin Babayev və anestezioloq Nailə Səlimova iştirak ediblər.

Əməliyyat zamanı iltihablaşmış Mekkel divertikulu nazik bağırsağın zədələnmiş hissəsi ilə birlikdə rezeksiya olunub, bağırsağın davamlılığı bərpa edilib və omfaloplastika icra edilib. Cərrahi müdaxilə uğurla başa çatdırılıb.