Şirvan Şəhər Mərkəzi Xəstəxanasında növbəti uğurlu cərrahi əməliyyat həyata keçirilib.

 

Xəstəxanadan Aztibb.az-a verilən xəbərə görə, tibb müəssisəsinə müraciət edən 1954-cü il təvəllüdlü pasiyentə sol baldır sümüklərinin distal epimetafizar nahiyəsinin açıq, çoxqəlpəli yerdəyişmiş sınığı və damar-sinir dəstəsinin sıxılması diaqnozu təyin edilib.

 

Aparılan zəruri klinik və instrumental müayinələrdən sonra pasiyent üzərində sol baldır sümüklərinin qapalı repozisiyası və İlizarov aparatı ilə osteosintez əməliyyatı uğurla icra olunub.

Əməliyyat Şirvan Şəhər Mərkəzi Xəstəxanasının həkim-travmatoloqu Şəmsi Əhmədov tərəfindən yüksək peşəkarlıqla həyata keçirilib.

 

Hazırda pasiyentin vəziyyəti qənaətbəxşdir. O, ambulator müalicəsini davam etdirmək üçün evə buraxılıb.

 

Şirvan Şəhər Mərkəzi Xəstəxanasında vətəndaşlara müasir tibbi standartlara uyğun, keyfiyyətli və peşəkar tibbi xidmətlərin göstərilməsi istiqamətində tədbirlər davam etdirilir.