Bu barədə Aztibb.az-a məlumat verən Qəbələ Rayon Mərkəzi Xəstəxanasının həkim-oftalmoloqu Elvira Məmmədova bildirib ki, bu hal gözlərdə yanma, qıcıqlanma, göynəmə və yad cisim hissi ilə xarakterizə olunur.

 

Onun sözlərinə görə, göz quruluğu, əsasən, uzun müddət telefon, planşet və kompüter kimi elektron cihazlardan istifadə, kondisionerli və quru mühitdə qalmaq, kontakt linzalardan istifadə, yaşın artması, həmçinin bəzi xəstəliklər səbəbindən yarana bilər. Xəstəliyin əsas əlamətlərinə gözlərdə quruluq hissi, qızartı, tez yorulma, bulanıq görmə və işığa həssaslıq daxildir.

 

E.Məmmədova qeyd edib ki, müalicə üsullarına süni göz yaşı damcılarından istifadə, həyat tərzində dəyişikliklər edilməsi və zəruri hallarda dərman müalicəsi daxildir.

Vətəndaşlara tövsiyəmiz odur ki, ekran qarşısında uzun müddət fasiləsiz qalmamaq, gözləri mütəmadi dincəltmək və profilaktik məqsədlə vaxtaşırı göz müayinəsindən keçmək göz sağlamlığının qorunması baxımından vacibdir.