Hamiləlik dövründə bir çox qadın hemorroy (babasil) problemi ilə qarşılaşa bilər. Bu vəziyyət həm hormonal dəyişikliklər, həm də böyüyən uşaqlığın çanaq nahiyəsində yaratdığı təzyiqlə əlaqədar inkişaf edir.

 

Bu barədə Aztibb.az-a HTC Cliniva Hospitalın ümumi cərrahı, proktoloq və endoskopisti Anar Əliyev məlumat verib.

Həkim bildirib ki, hamiləlikdə hemorroyun əsas səbəbləri aşağıdakılardır:

Qəbizlik və gücənmə

Artan qarındaxili təzyiq

Hormonal dəyişikliklər

Uzun müddət oturaq qalmaq

Çəkinin artması.

 

Anar Əliyev qeyd edib ki, hemorroy aşağıdakı əlamətlərlə özünü göstərə bilər:

Anal nahiyədə ağrı və narahatlıq

Qaşınma və yanma hissi

Nəcisdən sonra qan izləri

Şişkinlik və düyün hissi

Liflə zəngin qidalanmaq

Kifayət qədər su qəbul etmək

Fiziki aktivliyi qorumaq

Qəbizliyin qarşısını almaq

bu problemin yaranma riskini azalda bilər.

 

Onun sözlərinə görə, hamiləlik zamanı anal nahiyədə qanaxma və ya ağrı müşahidə etdikdə özbaşına müalicəyə başlamayın. Dəqiq diaqnoz və təhlükəsiz müalicə üçün proktoloq və ginekoloq məsləhəti almaq vacibdir.