Qobustan Rayon Mərkəzi Xəstəxanasının həkim heyəti tərəfindən Ailə Sağlamlıq Mərkəzinin Sündü kənd ASM bölməsində əhalinin tibbi müayinəsi həyata keçirilib.

 

Xəstəxanadan Aztibb.az-a verilən xəbərə görə, keçirilən müayinələrdə terapevt, LOR həkimi, pediatr və digər tibb personalı iştirak edib. Müayinə çərçivəsində vətəndaşlara ilkin tibbi baxış keçirilib, qan nümunələri götürülüb, zəruri laborator müayinələr aparılıb.

 

Ümumilikdə 30-dan çox kənd sakininə 150-yə yaxın tibbi xidmət göstərilib. Əlavə ixtisaslaşmış tibbi yardıma ehtiyacı olan pasiyentlər müvafiq tibb müəssisələrinə yönləndirilib.

 

Bununla yanaşı, müayinələrə cəlb olunan sakinlərə ölkəmizin səhiyyə sahəsində həyata keçirilən yeniliklər və tibbi xidmətlərə əlçatanlığın təmin edilməsi istiqamətində görülən işlərlə bağlı məlumatlar verilib.