Qadın sağlamlığı çox vaxt gündəlik həyatın tempi içində arxa plana keçir. Halbuki bir çox ginekoloji problemlər erkən mərhələdə aşkarlandıqda asanlıqla nəzarət altına alına bilir.

 

Bu barədə Aztibb.az-a Səhiyyə Nazirliyi V. Y. Axundov adına Elmi-Tədqiqat Tibbi Profilaktika İnstitutunun həkim-ginekoloqu Nilufər Quliyeva məlumat verib.

 

Nilufər Quliyeva vurğulayıb ki, qadın sağlamlığında əsas məsələ müntəzəm nəzarət və bədənin verdiyi siqnallara laqeyd qalmamaqdır.

 

Onun sözlərinə görə, bir çox ginekoloji xəstəliklər başlanğıcda açıq simptom vermir. Menstrual dövrün pozulması, qarınaltı ağrılar, qeyri-adi ifrazatlar və ümumi narahatlıq halları diqqətdən kənarda qalmamalıdır. Müntəzəm müayinələr və vaxtında aparılan laborator yoxlamalar reproduktiv sağlamlığın qorunmasında və ciddi fəsadların qarşısının alınmasında əsas rol oynayır.