İnsan papilloma virusu (HPV) dünyada ən geniş yayılmış virus infeksiyalarından biridir. Əksər hallarda infeksiya heç bir əlamət vermədən keçir və insan virusu daşıdığını bilməyə bilər.

 

Aztibb.az xəbər verir ki, bəzi HPV tipləri öz-özünə aradan qalxsa da, yüksək riskli tiplər uzun müddət orqanizmdə qalaraq ciddi xəstəliklərə səbəb ola bilər.

 

Mümkün əlamətlər:

- əksər hallarda simptom olmur

- genital nahiyədə ziyillər

- uşaqlıq boynunda hüceyrə dəyişiklikləri (yalnız müayinə zamanı aşkar edilir)

 

Necə yoluxuruq?

- cinsi əlaqə zamanı

- dəri və selikli qişaların yaxın təması ilə

 

Nələrə diqqət edilməlidir?

- HPV infeksiyası uzun müddət gizli qala bilər.

- Simptomların olmaması virusun olmadığı anlamına gəlmir.

- Müntəzəm ginekoloji müayinələr və skrininq erkən diaqnostikada mühüm rol oynayır.

 

Profilaktika:

- HPV əleyhinə peyvənd

- qoruyucu vasitələrdən istifadə

- müntəzəm ginekoloji müayinələr

- PAP-test və həkim tövsiyəsinə əsasən HPV testi

 

Müalicə:

HPV infeksiyasının idarə olunması və müalicə taktikası həkim tərəfindən fərdi qaydada müəyyən edilir. Erkən diaqnostika və müntəzəm nəzarət mümkün ağırlaşmaların qarşısının alınmasına kömək edir.