Parazitar və infeksion xəstəliklər çox vaxt gizli başlayır və ilkin mərhələdə adi narahatlıq kimi qəbul edilir. Lakin bu xəstəliklərə laqeyd yanaşmaq sonradan daha ciddi fəsadlara səbəb ola bilər.

 

Bu barədə Aztibb.az-a Səhiyyə Nazirliyi V. Y. Axundov adına Elmi-Tədqiqat Tibbi Profilaktika İnstitutunun şöbə müdiri, həkim-infeksionist Elvira Əliyeva məlumat verib.

 

Elvira Əliyeva qeyd edib ki, infeksion və parazitar xəstəliklər çox vaxt yorğunluq, iştahasızlıq, qarın ağrısı, ümumi zəiflik kimi qeyri-spesifik əlamətlərlə başlayır. Bu əlamətləri adi hal kimi qəbul etmək olmaz.

Onun sözlərinə görə, erkən diaqnoz və düzgün yanaşma xəstəliyin gedişatını tam dəyişə bilər. Xüsusilə uşaqlarda və risk qruplarında mütəmadi müayinə və laborator nəzarət çox vacibdir. Erkən mərhələdə aşkarlama həm müalicəni asanlaşdırır, həm də ağırlaşmaların qarşısını alır.