Qəbələ Rayon Mərkəzi Xəstəxanasının əməkdaşları "Zərbə dalğa aparatı funksiyaları və istifadə qaydaları" mövzusunda təlimə cəlb olunub.

Xəstəxanadan Aztibb.az-a bildirilib ki, Fizioterapiya şöbəsinin müdiri Ağayeva Vüsalənin moderatorluğunda baş tutan təlimdə həmin şöbənin əməkdaşları iştirak edib.

Məqsəd fizioterapiya sahəsində çalışan tibb işçilərinin nəzəri və praktik biliklərinin artırılması, müasir müalicə üsullarının effektiv və təhlükəsiz tətbiqinə dair peşəkar bacarıqların inkişaf etdirilməsindən ibarət olub.

Təlim zamanı zərbə dalğa aparatının iş prinsipi, istifadə sahələri, göstəriş və əks-göstərişləri, eləcə də cihazın təhlükəsiz və düzgün tətbiq qaydaları barədə iştirakçılara ətraflı məlumat verilib.

Eyni zamanda, aparatın praktik istifadəsi nümayiş etdirilərək müalicə prosesində tətbiq xüsusiyyətləri izah olunub.