Laçın Rayon Mərkəzi Xəstəxanasında Dünya Allergiya Həftəsi çərçivəsində həkim-terapevt Arzu Məhərrəmova tərəfindən “Allergik xəstəliklərin profilaktikası, erkən diaqnostikası, müalicəsi və risk faktorları” mövzusunda maarifləndirici təlim təşkil olunub.

Bu barədə Aztibb.az-a Laçın RMX-dan məlumat verilib.

Bildirilib ki, təlim zamanı allergik xəstəliklərin yaranma səbəbləri, risk faktorları, ilkin əlamətlərin vaxtında aşkarlanmasının əhəmiyyəti, müasir diaqnostika və müalicə üsulları, eləcə də xəstəliklərin qarşısının alınması istiqamətində görülə biləcək profilaktik tədbirlər barədə ətraflı məlumat verilib.