Azərbaycan Tibb Universitetinin (ATU) Dermatovenerologiya kafedrasının əməkdaşları və rezidentləri Bakıda keçirilən V Beynəlxalq Dermatovenerologiya Konqresində iştirak ediblər.

 

Bildirilib ki, Azərbaycan Dermatoveneroloqlar Assosiasiyasının (ADVA) təşkilatçılığı ilə baş tutan konqresə Türkiyə, İtaliya, Polşa, Latviya, Gürcüstan, Qazaxıstan və Özbəkistandan tanınmış alim və mütəxəssislər qatılıblar.

 

Dermatovenerologiyanın aktual problemlərinə həsr olunmuş tədbirin elmi-təşkilati komitəsinin üzvü, ATU-nun Dermatovenerologiya kafedrasının müdiri, professor Fərid Mahmudov, həmçinin kafedranın əməkdaş və rezidentləri tədbirdə müasir dermatologiyanın aktual mövzularına həsr olunmuş elmi təqdimatlarla çıxış ediblər.

 

Konqres elmi təcrübə mübadiləsi, beynəlxalq əməkdaşlığın genişləndirilməsi və bu sahədəki yeniliklərin müzakirəsi baxımından mühüm əhəmiyyət daşıyıb.