Salyan rayon sakini, 18 yaşlı pasiyentə qaraciyərin exinokokk sisti diaqnozu qoyulub.

 

Şirvan Şəhər Mərkəzi Xəstəxanasından Aztibb.az-a verilən xəbərə görə, 2008-ci il təvəllüdlü pasiyent üzərində diaqnoza uyğun olaraq Şirvan RMX-da həkim-cərrah Elçin Kərimovun rəhbərliyi ilə mürəkkəb cərrahi əməliyyat icra olunub.

 

Sözügedən əməliyyat həkim-cərrah Elçin Kərimov, asistentlər Aqil Əsgərov və Maarif Süleymanov, həmçinin anestezioloq Jalə Müslümovanın iştirakı ilə uğurla həyata keçirilib. Əməliyyat zamanı qaraciyərdə yerləşən exinokokk sisti tam şəkildə xaric edilib.

 

Əməliyyatdan sonra pasiyentin vəziyyəti qənaətbəxş və stabil qiymətləndirilir. Hazırda onun müalicəsi həkim nəzarəti altında stasionar şəraitdə davam etdirilir.

 

Qeyd edək ki, bu uğurlu əməliyyat Şirvan Şəhər Mərkəzi Xəstəxanasında göstərilən yüksək ixtisaslı tibbi xidmətin, peşəkar həkim heyətinin və müasir cərrahi imkanların daha bir nümunəsidir. Xəstəxanada müxtəlif mürəkkəblik dərəcəsinə malik cərrahi müdaxilələr uğurla icra olunaraq pasiyentlərin sağlamlığına qovuşmasına töhfə verilir.