Bolqarıstanda ilk dəfə olaraq nazik bağırsaq transplantasiyası vasitəsilə servikal qida borusunun rekonstruksiyası əməliyyatı həyata keçirilib.

Aztibb.az dnes.dir.bg-ə istinadla xəbər verir ki, əməliyyat Sofiyadakı Kraliça İoanna - ISUL xəstəxanasında qida borusu xərçəngindən əziyyət çəkən 58 yaşlı qadın üzərində aparılıb və 10 saatdan çox davam edib.

Məlumata görə, cərrahlar qida borusunun xəstəlikdən zədələnmiş hissəsini çıxarıb, həzm sistemini nazik bağırsağın bir hissəsindən hazırlanmış transplantat vasitəsilə bərpa ediblər. Əməliyyatın əsas çətinliklərindən biri xəstənin qırtlağının qorunması olub. Bunun nəticəsində pasiyent danışmaq, yemək və nəfəs almaq qabiliyyətini saxlayıb.

Xəstə əməliyyatdan təxminən bir ay sonra evə buraxılıb.