Mərkəzdən Aztibb.az-a verilən xəbərə görə, tədbirdə tibb işçilərinin cəmiyyətin sağlamlığının qorunmasında göstərdikləri fədakar xidmətlərdən, onların peşəkarlığından və insan həyatının xilası naminə gördükləri mühüm işlərdən bəhs olunub.

 

Tədbiri giriş nitqi ilə Pirallahı Tibb Mərkəzinin direktoru Şöhrət Söyziyev açaraq səhiyyə işçilərini peşə bayramı münasibətilə təbrik edib. O, tibb işçilərinin üzərinə düşən məsuliyyətin böyük olduğunu vurğulayaraq, onların əhalinin sağlamlığının keşiyində ayıq-sayıq dayandıqlarını, göstərdikləri əzm və zəhmətin hər zaman yüksək qiymətləndirildiyini bildirib.

 

Daha sonra Pirallahı Rayon İcra Hakimiyyəti başçısının müavini, Ərazi-təşkilat və ictimai-siyasi məsələlər şöbəsinin müdiri Zülfiyyə Məmmədhüseynova çıxış edərək tibb işçilərini peşə bayramı münasibətilə təbrik edib, onların cəmiyyət üçün əvəzsiz xidmətlərindən danışıb. O, səhiyyə sahəsində çalışan insanların hər zaman böyük hörmət və ehtiramla qarşılandığını, insan sağlamlığının qorunması və inkişafı istiqamətində gördükləri işlərin dövlət tərəfindən yüksək qiymətləndirildiyini qeyd edib.

 

Tədbirin sonunda Pirallahı Tibb Mərkəzinin Həmkarlar İttifaqı Komitəsi tərəfindən səhiyyə sahəsində səmərəli fəaliyyət göstərən bir qrup tibb işçisi fəxri fərman, təşəkkürnamə və hədiyyələrlə təltif olunub.