29.03.2026-cı il tarixində 2006-cı il təvəllüdlü qadın 26 həftəlik hamiləlik, dölyanı qişaların vaxtından əvvəl cırılması, həddən artıq vaxtından əvvəl doğuş təhlükəsi ilə əlaqədar Quba Regional Perinatal Mərkəzinin Hamiləliyin patologiyası şöbəsinə müraciət edib.

 

Mərkəzdən Aztibb.az-a bildirilib ki, hamiyələ vaxtından əvvəl doğuş təhkükəsi, sidik-cinsiyyət orqanlarının infeksiyası, istmiko-servikal çatışmazlıq diaqnozu təyin olunub.

Nəticədə qadının çəkisi 850 qr., boyu 32 sm., olan körpəsi (kişi cinsli) dünyaya gəlib.

 

Körpə doğulduğu zaman vəziyyəti ağlr qiymətləndirilib, ona dərhal ixtisaslaşmış zəruri neonatal yardım göstərilib.

 

Körpəyə küvez şəraitində müalicə, tənəffüs dəstəyi və dövlət təminatlı surfaktant terapiyası tətbiq olunub.

 

2 aydan çox müalicəsi davam edən körpənin çəkisi 2030 qrama çatıb, sərbəst tənəffüs edib. Habelə aktiv əmmə refleksi müşahidə olunub və aparılan müayinələrin nəticələri yaşına uyğun norma daxilində olub.

 

Sağlamlığına qovuşan körpə və anası evə buraxılıb.