Neftçala rayon sakini, 74 yaşlı pasiyentə spinal stenoz və fəqərəarası disk yırtığı diaqnozu qoyulub.

Şirvan RMX-dan Aztibb.az-a bildirilib ki, 1952-ci il təvəllüdlü pasiyent üzərində diaqnoza uyğun olaraq həkim-neyrocərrah Natiq Vəliyevin rəhbərliyi ilə 4 saat davam edən mürəkkəb cərrahi əməliyyat icra olunub. Əməliyyat zamanı arxa bel fəqərələrinin fiksasiyası, disk yırtığının xaric edilməsi və sinir strukturlarının dekompressiyası uğurla həyata keçirilib.

Əməliyyatdan sonra pasiyentin vəziyyəti stabil qiymətləndirilir. Hazırda müalicəsi stasionar şəraitdə davam etdirilir.

Bu uğurlu əməliyyat xəstəxanada yüksək ixtisaslı tibbi xidmətin və müasir cərrahi imkanların növbəti göstəricisidir.