Rusiya Federasiyasının Moskva şəhərində “Anadangəlmə bullyoz epidermolizli pasiyentlər üçün elmin gündəlik tibbi praktikaya transformasiyası: nailiyyətlər və perspektivlər” mövzusunda elmi konfrans keçirilib.

 

Konfransda Səhiyyə Nazirliyinin aparatının, tabeli qurumlarının nümayəndələri də iştirak edib.

 

Nazirlikdən Aztibb.az-a bildirilib ki, tədbirdə nadir (orfan) xəstəliklərin erkən diaqnostikasına xidmət edən beynəlxalq təşəbbüslər müzakirə olunub, həmçinin Azərbaycanda anadangəlmə bullyoz epidermolizli pasiyentlərə göstərilən tibbi yardım və “Filsuvez” preparatının tətbiqi üzrə əldə olunan klinik təcrübə təqdim edilib. Azərbaycan təcrübəsi beynəlxalq ekspertlər tərəfindən böyük maraqla qarşılanıb.

 

Səfər çərçivəsində nümayəndə heyəti Rusiya Elmlər Akademiyasının Akademik N.P. Boçkov adına Tibbi-Genetik Elmi Mərkəzində də olub. Görüş zamanı gələcək əməkdaşlıq imkanları və birgə elmi-praktiki proqramlar müzakirə edilib.