Bakı şəhərinin Binəqədi rayonunda ümumi sahəsi 1200 m² olan ikimərtəbəli binada (ofis və s. təyinatlı) yanğınla nəticələnən partlayış baş verib.

Aztibb.az xəbər verir ki, nəticədə binanın fasad üzlüyü (alkopan və penoplast) 30 m² sahədə yanıb, yaxınlıqda dayanan minik avtomobillərinə ziyan dəyib.

Hadisə yerinə cəlb olunan Fövqəladə Hallar Nazirliyinin Yanğından Mühafizə Bölmələrinin əməkdaşları tərəfindən hadisənin qarşısı alınıb, yanğın söndürülüb.

TƏBİB-dən bildirilib ki, hadisə nəticəsində iki nəfər xəsarət alıb. Onlardan 36 yaşlı Fərrux İbrahimov təcili tibbi yardımla Respublika Klinik Xəstəxanasına yerləşdirilib. Vəziyyəti stabildir.