Şirvan Şəhər Mərkəzi Xəstəxanasında növbəti uğurlu cərrahi əməliyyat həyata keçirilib.

 

Xəstəxanadan Aztibb.az-a verilən xəbərə görə, 40 yaşlı pasiyentin üzərində kəllə və üz sümüklərinin osteosintezi əməliyyatı üz-çənə cərrahı Elvin Ağayev tərəfindən uğurla icra edilib.

 

Belə ki, Sabirabad rayon sakini, 1986-cı il təvəllüdlü kişi pasiyentə kəllə və üz sümüklərinin sınıqları diaqnozu qoyulub. Qısa əməliyyatönü hazırlıqdan sonra pasiyent üzərində cərrahi müdaxilə aparılaraq sınıqlar osteosintez materialları ilə fiksasiya olunub və sümüklərin anatomik vəziyyəti bərpa edilib.

 

Hazırda pasiyentin vəziyyəti stabildir, o, ambulator müalicə üçün evə buraxılıb.

 

Qeyd edək ki, Şirvan Şəhər Mərkəzi Xəstəxanası region əhalisinə yüksək səviyyəli ixtisaslaşmış tibbi xidmətlərin göstərilməsini davam etdirir.