Bu barədə Aztibb.az-a Klinikadan xəbər verilib.

 

Bilirilib ki, Tədris Cərrahiyyə Klinikasının Ümumi cərrahlıq şöbəsinin müdiri, assistent Tapdıq Məmmədov bildirib ki, pasiyent uzun müddətdir qasıq nahiyəsində yaranmış yırtıqdan əziyyət çəkib. Aparılan ultrasəs müayinəsi zamanı sol tərəfdə iri ölçülü qasıq yırtığı aşkarlanıb və düz qasıq yırtığı ehtimalı irəli sürülüb.

 

Əməliyyat zamanı bu diaqnoz təsdiqini tapıb.

Həkimin sözlərinə görə, pasiyent təxminən 10 il əvvəl sağtərəfli qasıq yırtığı səbəbindən də cərrahi əməliyyat keçirib.

“Yırtığın ölçüsü kifayət qədər böyükdür və uzun müddətdir mövcud olduğuna görə ətraf toxumalarda qalınlaşma yaranıb. Bu isə əməliyyat zamanı anatomik strukturların identifikasiyasını müəyyən qədər çətinləşdirir. Buna baxmayaraq, yırtıq kisəsinin elementləri tam şəkildə işlənərək müasir tor implantdan (setkadan) istifadə olunmaqla plastik bərpa həyata keçirilir”, deyə Tapdıq Məmmədov qeyd edib.

 

Mütəxəssis vurğulayıb ki, qasıq yırtığının təkrar yaranmasına müxtəlif amillər təsir göstərə bilər. Bunlara əməliyyat texnikasındakı çatışmazlıqlar, pasiyentin əməliyyatdan sonrakı dövrdə həkim tövsiyələrinə əməl etməməsi, genetik meyillilik, eləcə də kollagen sintezinin zəif olması daxildir.

“Düzgün cərrahi taktika seçildikdə və keyfiyyətli tor implantlardan istifadə olunduqda yırtığın təkrar əmələ gəlmə riski əhəmiyyətli dərəcədə azalır”, deyə şöbə müdiri əlavə edib.