Xəstəxanadan Aztibb.az-a verilən xəbərə grörə, tədbirdə çıxış edən həkim-travmatoloq Orxan Şeydayev ağır xəsarətlər zamanı orqanizmin həyatı vacib funksiyalarının kəskin zəifləməsi ilə müşayiət olunan travmatik şokun yaranma səbəblərindən danışıb. O, şok vəziyyətinin mərhələləri, erkən diaqnostikası və ilk dəqiqələrdə göstərilən tibbi müdaxilənin xəstənin həyatda qalmasındakı həlledici rolu barədə ətraflı məlumat verib.

 

Xüsusilə, müxtəlif qəzalar və bədbəxt hadisələr zamanı qanaxmanın təcili dayandırılması, ağrının kəsilməsi və zərərçəkmişin düzgün nəql edilməsi qaydaları iştirakçıların diqqətinə çatdırılıb. Vurğulanıb ki, travmatik şok zamanı vaxt itirmədən, peşəkar və ardıcıl tibbi yardımın təşkil olunması ağır fəsadların qarşısını alan ən önəmli addımdır.

 

Tədbirin sonunda iştirakçıların mövzu ilə bağlı sualları cavablandırılıb.