Aztibb.az xəbər verir ki, orqanizm bu dəyişikliyə tez zamanda uyğunlaşa bilmir və bu da istər-istəməz sağlamlığa təsirsiz ötüşmür. Havanın anidən soyuması orqanizmin müqavimətinin aşağı düşməsinə səbəb olur.

 

Havanın kəskin dəyişməsindən ən çox azyaşlı uşaqlar, yaşlılar, hamilələr və xroniki xəstəliyi olanlar əziyyət çəkirlər. Ürək-qan-damar sistemi, arterial hipertoniya, endokrinoloji, yuxarı tənəffüs yolu infeksiyaları kimi xəstəliklər fəsil dəyişkənliyi dövrlərində daha həssas olur.

 

Güclü immunitet üçün yuxu və qidalanma rejimi çox vacibdir. Hazır qidalardan mümkün qədər az istifadə etmək tövsiyə olunur. Hər hansı bir əks göstəriş yoxdursa, gün ərzində 2,5 litr su içilməsi vacibdir.